ការឈ្លក់វង្វេងរបស់យុវវ័យ

0 0 Friday, 4 February 2022

១. ចូលចិត្តបង្អួតសម្ភារៈនិយមគ្នា ដោយមិនមែនជាកម្លាំងញើសឈាមរបស់ខ្លួនឯង ប៉ុន្តែមិនព្រមបង្អួតគ្នាពីសមត្ថភាពឡើយ ២. ដើរលេងឡូយឆាយមិនខ្វល់ពីអ្វីទាំង...

១. ចូលចិត្តបង្អួតសម្ភារៈនិយមគ្នា ដោយមិនមែនជាកម្លាំងញើសឈាមរបស់ខ្លួនឯង ប៉ុន្តែមិនព្រមបង្អួតគ្នាពីសមត្ថភាពឡើយ

២. ដើរលេងឡូយឆាយមិនខ្វល់ពីអ្វីទាំងអស់ មិនគិតថាវ័យនេះគឺជាវ័យដែលប្រឹងដុសខាត់ខ្លួនឯង បើនៅតែទុកពេលវេលាចោលបែបនេះទៀតនោះអ្នកនឹងស្តាយក្រោយ

៣. យកពេលសប្បាយច្រើនជាជាងយកពេលទៅរៀនសូត្រ គ្មានអ្នកណាឱ្យរៀនហើយមិនឱ្យសប្បាយនោះទេ តែអ្នកត្រូវតែចេះបែងចែកពេលវេលាឱ្យបានច្បាស់លាស់

៤. យុវវ័យជាវ័យមួយដែលអ្នកមានឱកាសច្រើនណាស់នៅក្នុងការងារព្រោះជាវ័យមួយដែលមានកម្លាំងកាយមាំមួន ការគិតរហ័សរហួន និងសម្បូរគំនិតថ្មី តែភាគច្រើនបានជាមិនសូវគិតទៅវិញ

៥. យុវវ័យជាវ័យមួយដែលចាប់ផ្តើមចេះមានស្នេហា គេមិនហាមឃាត់មិនឱ្យមានទេ តែកុំព្យាយាមយកវាជាលេខមួយពេក ត្រូវធ្វើឱ្យខ្លួនឯងរីកចម្រើនសិន ស្នេហានឹងរត់មកតាមក្រោយ

៦. មួយចំនួនមិនបានជួយអ្វីម្តាយឪពុកហើយនៅធ្វើបាបចិត្តគាត់ថែមទៀត ក្នុងនាមអ្នកជាកូនបើមិនបានជួយអ្វីទេ គួរណាស់តែធ្វើឱ្យគាត់មានមោទនភាពខ្លះទៅដែលមានអ្នកជាកូន

៧. ឈ្លក់វង្វេងជាមួយនិងភាពហ៊ឺហា ទាន់សម័យជាមួយនឹងលុយញើសឈាមឪពុកម្តាយ បង្កើតតែបន្ទុកឱ្យគាត់មិនឈប់ឈរ

៨. ម្តាយឪពុកឱ្យលុយទៅរៀនបែរជាគេចសាលាទៅសប្បាយជាមួយមិត្តភក្តិ មិនគិតពីអនាគតខ្លួនឯងសូម្បីតែបន្តិច

៩. ធ្វើឱ្យគ្រួសារអាប់អោនកិត្តិយស គ្រួសារខ្មាស់គេ ជាពិសេសធ្វើឱ្យខ្លួនឯងបាត់បង់ទំនុកចិត្តពីអ្នកដទៃ និងមានឈ្មោះមិនល្អនៅក្នុងសង្គម

១០. បើអ្នកមិនឈ្លក់វង្វេងនិងរឿងអត់ប្រយោជន៍ទាំងអស់នេះទេ គឺអ្នកបានបង្កើតមនុស្សល្អនៅក្នុងសង្គមជាតិយើងបានម្នាក់ហើយ

អត្ថបទ : សុន លីណា

ប្រភព : អ្នកបន្តវេន

អត្ថបទដោយ : https://web.facebook.com/Neak.bontorvein

រៀនដើម្បីធ្វើស្រែ